حمد بم العز

لا صــد عــنــك من تـــوده وجـافــاك = خـلــه وجـــازه بالجفا مثل صده

خـــله بــدربه لا يـخـيفـــك ويــنــهاك = وجازه بالاقفا لين يــعـرف مرده

جــازه بــما مـــدت يــميـنه ويـــدراك = وضده بمن يكره ترى ذاك ضده

لا ترتضي بالهـون في كل مــمـشــاك = وحدك وخصمك وقفه عند حـده

خـلك عــزيـز النفس والـــعـــز ماواك = وكلٍ عطه تفصيل ثــوبـه بــقــده

أحرص على حسن العمل في سجاياك = واللي يعمل الخير بالخــيـــر بده

واللي يـعــمـــل الطيب لو كان ماجاك = طيبه لـوانك تقصده جـــد جـــده

اسمع نـــدا من للمهـمـــات يــنخـــاك = واذامــنحـته لا تــبـــيح بـــســـده

خــص الــرفــيـق اللي اذا جيت حياك = وان غــبــت عنه ياصلك بالموده

واللي تربص منك لا يعــرف اقـصـاك = وباب يحــاول مــنفــذ منه ســـده

واصحا جليس الـســـوء ويـاه يـبـلاك = يرميك في درب الشمت والمضده

ولا تـخــاطـــب جـــاهـــل يكثر الـغـاك = تنساق في جهله وقــصــدك ترده

واعرض وخلك صامت واحبس ارياك = ومن لا استشارك لا تــقــدم بمده

وارج الذي بأمره من الــكـــرب نجاك = اللي على يعـقوب رجع الــمــوده